الصحيحة المهبولة حصيصــة أم قصيصــه

ودي أكتب قصة رومانسية قصمنجية تمزع التسبد من الضحتس بس خلوني أخلص من الدراسة النشبة بعدين نتفاهم على ذاتس الحتسي الزين اللي يهبل وطلعت معي هذاي القصة:

كان يامكان كان فيه بنية أسمه حصيصة أم قصيصة وحدة ملحوسة بكل معنى التسلمة وش مهبولة ودلخة شي مهب صاحي داين أصبعها في خشمها وشعرها مزرعه قمل فيه،ماتتسبح الا من جمعه لجمعه وياليتها بعد تنظف من قلب بس تبربس بالموية ،رجه بحركته والويل له اللي يدوس لها على طرف تخليه يمشي وهو يهذري على نفسه ،يعني بالعربي صحيحة ومهبولة في نفس الوقت أفراد أسرته الكريمةعبارة عن ام نفس حالة بنته وماأقول غير من شابة أمه فما ظلم،مايحتاج أعرفكم فيها ملحوسة نفس بنته أسال الله العافية والسلامة لهم نجي عاد لرب الأسره شوية عليه كلمة قروي ،يتسبح في السنة مرة أسألوا أنفسكم ليه عشان العيد يصير نظيف ويلق ،تفكيره مناجم مهب سطحي كل شي عنده لاااااا ،نجي نشوف شخصية هايلة عاد هذي بزر في ثالث متوسط أخف لسان من أختها بس عليها دعوات بالصميم ماودي أطول في عرض الشخصيات لان بيكون شخصيات ثانية فيذا القصه طبعا البطله هي حصيصة :

حصيصة وهي داخلة المجلس تدعي على المدرسة:أف يامال القطع ذي المديرة دبلت تسبدي الله يدبل تسبده ياميمتي ملحوسة ،أنا ودي أسوي لقاء صحفي مع المهبول اللي حاطة فيذا هذي حده فراشة بروضة ،نعنبوا أبليسة حاطتن دوابة بدوبي

ام حصيصة:وجع وش بلاتس وتسد أنتس مزينتن شي تسيد وش انتي مزينة احتسي لاأقوم امردغتس

حصيصة:وأنتي يالعجوز القشره بعد ماتعرفين تدافعين عني دايم بصف المهبولة ذي مير كود أنتي تقربين لصيحية مديرتنا

ام حصيصة:يالهيس الأربد احترمي نفستس لاأقوم أمردغ ولدينتس

حصيصة وهي تضحك وتبين أسنانة الصفر المخرثه:هههههه أول مرة أشوف أحد يمردغ نفسه ياميمتي الله العالم أنتس أهلتس متبنينتس من مستشفى شهااااار

أم حصيصة وهي تلحق بنتها الصحيحة بعقال أبوه المخرث:تعالي تعالي يالهيس الأربد يالمريضة انا اللي متبنيني من شهار عمن يعميتس يابنت الذين (هنا يمنع العرض لاانه مزعت اتسله من الضرب أكمل بعدين لاأصابت الصحيحة المهبولة حصيصة أم قصيصة بعدت طعنات أقصد تلحيط من أمه

عزوز طبعا هذا أسم أبوها:يامال التصيص وجع يعميكم وش ذا حلبة المصارعه اللي مسوينها فبيتي يامرة وش بلاتس على البنت تره رقيقة مثل حبات البطاطس هههه بسم الله على قلبي أنكت

أم حصيصة:وأنت بعد الناس أول ماتدخل تسلم على أهل البيت مهب تدعي علينا ماأقول الا كل العائلة معتوها

حصيصة وهي تئن من الألم:أأخ الله يغربلتس يوه مصعتي عظامي الرقيقة على قولت أبوي أول مرة يقول شي يفتح الشراريين

عزوز:بعدي والله هذي بنتي الجميلة بس ياليت تغسل ضروستاه أكون شاكر لتس

أم حصيصة:أنت الحين أغسل وجهك بعدين أحتس وعلم بنتك النظافه

هايلة وهي تطلع الغمص من عينه:يامال الماحي ماتخلون احد ينام بهدوء بيتنا يفتقد الأمان

حصيصة:أخسى ياللغه أذوب أنا

أم حصيصة:أقول عزوز بس لايكثر أبيك بتسلمة رأس

عزوز:وش عنده بعد ذي تسلمة رأس رأس ولابطن ههههه

أم حصيصة:يقطع ذا المزح يالوجه الودر

حصيصة:هههههه لقطي وجهتس يووووووه شوفي عيونتس راحت للمطبخ ألحقيه وركبية

هايلة :هههه لية هي عيون غاز بس حلوة تسلمة رأس

عزوز:اية يله قولي وش عندتس مع اني عارف بقول لا بس ودي أخليتس تحتسين على روحتس أويلتس أحيانا أحس أنتس مهذرية بدري

ام حصيصة:أويل لروحي على قردت حظي الزفت يوم دريت أنك زوجي

حصيصة وهي تصفق وتصفر:ياعيني على الرومانسة

هايلة :أتحفينا ياأماه ماذا عندتس من الحتسي الماصل

أم حصيصة:صدز ماعرفت أربي ذولي بنات ذولي

عزوز:لاتحف وش تشوفين يعني

هايلة+حصيصة:ههههههههههههه

حصيصة :ياالله مزعت تسبدي يبة من الضحتس اليوم أنت تقل مستر بن الله يقلعك قلعت واد دراين

هايلة:يله يمة قولي وش عندتس

أم حصيصة:شف عزوز ترا بعد مايخلصون امتحانات بنسافرعلى روما

عزوز وهو يتميلح:آآآآآه ياقلبي أمسكوني بنات بموت

حصيصة وهي تسوي فلم امريكي:لايبه يبه أرجوك لاتموت قبل لاتجيب لي لاب توب أول شي جيبة بعدين توكل بكيفك

عزوز:صدز أنتس ماتستحين على وجهتس يالهيس الأربد

ام حصيصة:المهم عزوز تراني خبرتك الأجازة بنسافر لروما

هايلة وهي هجتن كشرته:يعني بشوف روميو وجوليت

عزوز:هي هي انتي أنهبلتي يامره وش اللي روما مهبولة انتي عساي أروح لاأهلي بعرعر عشان اروح لخربيطتس ذي

أم حصيصة:والله ام مفلح مهب ازين من

عزوز:وانتي أي وحدة تقولتس شي تسوين مثلها صدز انتي ملحوسة

حصيصة:يبة لو سمحت عن الغلط وبعدين تعال الحين من زين أهلك تروح لهم على الاقل هناك يبه حررررريم حرررررريم شقر يفتحون النفس تخذلك وحدة مثلي وتجيب لك ذرية يشبهون لي

عزوز وهو يفكر بجد:أي والله انتس صدزة يابنيتي وانا أقول انتي ذكية على مين اثاريتس علي ياعردزي

هايلة :وأنا بعد بالمره أخذلي شاب وسم يليق بمقامي الجميل

حصيصة:مير أنتي لو يشوف الغمص اللي بعينتس كان هج من ديرته مابعده هجه

هايلة:الحين انتي شايفتن ضروستس قبل لاتهرجين وش جاب البقر للقمر

أم حصيصة:يالهيس الأريد بلوص(طبعا بلوص معيارة هايلة)أقول أنطمي ووجعه من زينكم اثنينكم انحسد عليكم الصراحة أنتي وياه مفكرة أنزلكم ألبوم في مجلة من زود الجمال مالت علي

عزوز:المهم مافيه روحة يعني مافيه

ام حصيصة وهي تمسك ثوب عزوز:وش قلت انسى أن لك تسلمة تراك مخذ مقلب في نفسك أنت ووجهك قلت أروح يعني اروح

عزوز:يامره وش بلاتس ماعندي فلوس يامهبولة

ام حصيصة:حط عينك بعيني وووووو يالتسذوب الأقشر
فلوس الدنيا عندك من تجارة هالغنم اللي أنتي فالح فيها

عزوز وهو يتفل على روحه:تف تف بسم الله علي من عيونتس الله يعميتس

هايلة وهي تشهق:هييييييييي يعني عندك كنز علاء الدين وأنتي قعيطي علينا

حصيصة:يعني خلاص أروح ارتب شنطتي وأحط أغراضي

هايلة:صدز انتس قروية

حصيصة:أقول أنتي أنطمي بلوص مابقى الا بزارين قريح

أم حصيصة وهي تتصنع الصياح:عزوز عزوزي والله طفش بالأجازة مغير نروح لحديقة المطار اللي دبلت تسبدي به حفظته شبر شبر بعدين انا ماخليت شي الا وأنا أطيعك فيه غسيل وأغسل ملابسك وكنس واكنس بيتك وبعدين تدري ماعمري طلبت منك شي الا تقووولي لااااااا حتى شغالة مثل الأودام ماجبت لي وبعدين لاتنسى أولا واخيرا اني صابرتن على ريحة الغنم اللي تجين به كل ملابسك ريحة غنم تكفى هالمره بس ،أبي جو حلو عزوزي ياشينك يابوخشم تقل فيش

عزوز وهو رحمها:تهي تهي كسرتي خاطري حصيصة وانا ابوتس عطيني المنديل أويلاه

حصيصة:لايبة وشولة التبذير مايحتاج على طول بكم ثوبك

هايلة:التطور والرقي من صفات البنات يالوسخة

أم حصيصة وهي تترجاه:ها عزوزي وش قلت ياعردزي

عزوز:خلاص أشوف وادرس الموضوع دارسة جدول

هايلة:والله لو هو رياضيات يبة

حصيصة:بلوص عاد تصدقين اول مرة أشوف المفاعيص أمي وأبوي يتكلمون برومانصية صراحة حلو شي جميل اتعلم منهم في المستقبل المشرق

هايلة وهي رافعه يدها لسماء:الحمدالله على نعمه العقل هي يالهيس الأربد اسمه رومانسية مهب رومانصية خبلة اللهم ياكافي

حصيصة:أقول قومي بس نجهز لسفره

هايلة :تو الناس ياغبية خلينا نخلص اختبارات بعدين نتفاهم

حصيصة وهي تمط لسانة:ايييي تو الناس ولا تو الليل وبعدين وش يعني اختبارات عاد أكبر همي هي اقول ابروح ازين اغراضي أصرف لي من مقابلت وجهتس

خلصوا البنات اختبارتهم وبمان أن حصيصة اخر سنة بالدارسة الا أنها جابتها ماشاءالله عليها الهيس الأربد ذكية بدرستها..

وجاء الفرج اليوم هو يوم سفراتهم الى روما ام حصيصة وهي تصرخ على بنتها:حصيصة، الهلي وجع يمغصكم وينكم يله قبل لاتطير الطيارة وتروح عنا أنجزن

حصيصة:أية خلاص هذنا بننزل بس نسكر الشناط
ونزلوا البنات خلوني أوصف لكم قبل كل شي كم عدد الشناط 8 شناط على 4 أفراد فقط أم حصيصة مخذهشنطتين الاولى عده الطبخ كلها والثانية لبسه وحصيصة عاد شي الاولى فيها أغراض الأستحمام من منشفه ونظاره ومظله والأهم من هذا كله كيس كراث لاانه ماتقدر تستغني عنه مطلقا وفصفص للعصريه والثانية أكيد ملابسه الهلي وماأدراك ماالهلي مسوية روحه رومانسية الشنطة الأولى فيها مسجل من عهد العصر العباسي خربان وملصقته بلازق بعد اللازق انتهى صمغه بس تعيد عليه بتفاله
نجي نشوف لبس أفراد العائلة التعبانة عزوز مسوي روحه كشخة لبس جاكيت معه كرافته وبعد مايله ماعرف يسويها زين مع بنطالون وأخر شي المفاجأة السارة قراره وهو للي مايعرفها عباره عن نعال للمشي يستخدموه الرجال في الخروج

أما أم حصيصة فهي لابسه كل الدولاب عباره عن جلابية زرقاء لانه تشجع الهلال ونعال فوشيا تحته سروال مجلد من الوساخه
أما حصيصة الملحوسة فهي لابسه قميص أخضر ملاحظة:عنده انتماء فضيع للكراث عشان كذا لابسه أخضر الوحيدة فيهم اللي مخها نظيف هي الهلي لابسه بجامه ترنق يقاله أرقى مافي العائلة رحو للمطار وينتظرون اجراءات الجوازات تخلص..

حصيصة وهي تضرب الهلي ببطنها:شوفي ووووو والله ياهو لحست مخ شق جبهتي من جماله

هايلة:أية أشوف ياقلبي عليه يهبل يامال التصيص جميلا جودن
أم حصيصة:وووجع انتي وياه تمقلن بوجه الرجال أنثبرن بس
حصيصة وهي ترقص حواجبة:يمة مهب حاصللتس واحد مثله خايفتن من أبوي يمحطتس بالعقال شوفي يوه قطعه بدر مهب مثل رجلتس الاشهب
أم حصيصة:أقول الفقيه يامال الضربه

خلصت الاجراءات وبدء الركاب في الصعيد على الطائرة دخلوا العائلة المهستره ام حصيصة جالسة جنب الدريشة عشان تشوف المناظر وتقهر أم مفلح وعزوز بجنبها يتمثل فيذا الموظيفات ماحس فيها وحصيصة جنب الهلي بس فيه واحد مخزيها بعينها كل شوي يطالع فيها جاءت الموظيفه لمهم وقالت لهم أربطوا حزام الأمان

ام حصيصة وهي تحاول تسكر الحزام:ووووه يامال القطع مايدرون أني عندي كرشه عقب الولأدة مير عجازنين يحطون مقاس xxl
عزوز وهو يكفخها:أقول أربطيه لاأقول اربط خشتس الحين

بعد مده من المحاولات تسكر الحزام بس كل شوي يفتح لانه ضيق عليها
هايله ماخذه جو رومانسي بالحيل تسمع مسجلها وحاطه FMومزعجتن العالم وحصيصة مهبلتن فيذا الرجال ياحولي

حصيصة:شف انت ووجهك ذا اللي تقل مصورة حوشنا عيونك ذولي لو حاولت تمرره منا ولامنا أبقلعه وأرميك معها فاهم

محمد:هههههه واذا ماوخرتها وش راح تسووين يالقويه

حصيصة وهي ماتملكت أعصابه أخذت المسجل حق الهلي وفي وجه محمد على طول

هايلة:وجع مسجلي يامال الساحق الماحق اللي يسحقتس ويمحقتس ومن المرض وين ماتطسين يلاحقتس والله لاأعلم عليتس أبوي
حصيصة وهي خايفة من ابوها:لا الهلي تكفين شوفيه بس يبحلق فيني يقهرني
الهلي:مالي شغل جيبي المسجل
حصيصة:وشلون اجيبة أنتي قوليله
هايه:لو سمحت هي أنتي جب مسجلي لااقوم اتوطئ في بطن بطنك
محمد:أختك اللي رمته علي
وعطاه اياه بكل ذوق وقال لحصيصة تعجبيني بنت رجال
هايلة ذابت فيه جمال غريب شكل البنت حبته
حصيصة:اية وش قالولك أجل خكرية ماعرف أدافع عن نفسي
هايلة:خلاص لاتطولينه وهي قصيرة الفقيه
سكتوا بعد نصف ساعه محمد ميت من الضحك عليها كل شوي تسوي حركات غريبة أخر شي رفعت صوتها
حصيصة:يله ياناس وين الغداء جوعانه تراي
محمد هنا امفجر من الضحك عليها والتفتو الناس عليه هو مخذ جو معاهم يمزح ويضحك لان ابوها بعيد عنهم
حصيصة:ضحكت من سرك بلاء وش يضحك؟؟؟؟؟